reflections

12 days left...

Ouu ich kas gar nid glaube... Jetzt sinn die Ferie mit mim Mami und dr Silea und mim Papa scho umme... Scho bini wider dehei und muess uspacke.. Und scho wider hani no sooooo vill vor bis es denn endgültig los got.. In de letschte zwei Wuche isch immerwider mol öbber vo mine Kollege und Kolleginne nach Amerika ufbroche und so langsam hani s Gfühl wirds au Ziit für mi. XD

Aber ich freu mi notürlich au jetzt no uf die super einehalb Wuche..! Nachdem ich hüt dr Lehrvertrag unterschriibe ha dehei und scho öbbis plant ha für zobe obwohli sau mied bi willi nur drei Stund gschloofe ha letscht Nacht, hani notürlich au miner Gaschmuetter wider mol es Läbenszeiche vo mir gschickt und söt mi au no bi miner Gaschtschwöschter mälde..

Wie dir gsehnd hani vill ztue..! XD Ich schriib es andersmol wider meh, jetzt muessi no fertig uspacke und mi parat mache..!

Bis glyy.. <3

6.8.09 15:28, kommentieren

Werbung


Bad news and good news...

Soo in de letschte Däg isch vill bassiert... Erscht grad am Mittwuch ischs Mail kho vo dr Ustuschorganisation, dass min Flug ume Wuche verschobe worde isch, nemmlich ufe 18. Auguscht. Jo has halt mega schaad gfunde, dass ich no e Wuche lenger muess dehei bliibe, und vorallem nid mit dr Alina nach New York kha, aber es het au sini guete Siite, denn hani nemmlich mini Friends no e Wuche lenger und kha villicht sogar no mit miner Cousine nach Lugano, was mer scho lang mol hend welle mache!!

Am Donschtig isch scho s nöchschte Ereignis kho... Mir sind grad am Plane vo unserem Abschlussfeschtli xii, wos Delefon lütet. Es isch dr Herr Buser xi, vo dr Praxis und er het mir verkündet, dass si sich sehr würde freue wenn ich am 1. Auguscht 2010 denn würd d Lehr bi ihne avo! Oooh das het mi sooo gfreut! Bi so froh hani jetzt die Lehr und weiss was uf mich zuekunnt wenni wider zrugg bi vo Amerika! S Feschtli zobe isch denn au super xii!

Am Fritig morge hani mi scho frieh barat gmacht, ind Schuel zgo.. Ich ha jo miesse singe an dr Abschlussfiir und ich ha no gnue Ziit welle ha zum isinge.. So hemmer denn also igsunge und jo es isch guet gange, au mis Solo. Was hingege vill schlimmer xii isch, ischs Tschüsssege xii vo dr Klass und allne Lüüt wo me gern het.. Agfange hets bim P obe. Döt hend denn vill avo hüüle, ha mi denn aber iwie wider kli könne fasse. Womer denn aber unde zum Bushüsli kho sind, isch döt e Kollegin gstande, bitz verhüült.. Woni se in Arm gno ha, het si mega agfange hüle und ich au.. So ischs in de nechschte 40 Minute wiitergange.. Immerwider hesch mega ghült,  und kurz bevor dr Bus gfahre isch und ich dene vo miner klass und no anderen nomol Tschüssgseit ha, so Lisa, Zoë, Nisrine, Janine, Timo, Cédi, Pascal und söttigi no wo noher no mit mir ufe Bus si, ischs soo schlimm xii! Ohje ich will nid wüsse wies am Fluughafe wird. Item, ich has überlebt und freu mich jetzt uf d Ferie mit em Mama in Amsterdam und noher in Sardinie mit dr Silly..!!

Ttyl.. Have a great day! <3

1 Kommentar 27.6.09 10:51, kommentieren

56 days left.. <3

Es het jo eigentlich scho immer kheisse me sett unbedingt mol mit siner Familie delefoniere, bevor me abfliegt... Scho baarmol hani denkt, jetzt könnti mol alüte, aber jedesmol hani denkt: Hmm naii, ii wart lieber no bitz.. Jetzt hanis aber letschte Samschtig zobe gwogt. Ich ha zerscht gluegt wie vill dass es koschtet, ha denn s Delefon ind Hand gno, d Nummere igstellt und ha nervös druff gwartet dass öbber abnimmt. S isch nid lang gange isch es: Hello durd Leitig ko... E bitz unsicher hani denn mol gseit: Hello it's Núria from Switzerland... Und scho ischs Gspröch ins Rolle kho, ihres nette, überraschte: Oh how nice that you call! het mer denn au die letschti Angscht gno, und so hemmer e ganzi halb Stund delefoniert und ich bi so glücklich gsi, endlich zwüsse what my american mom sounds like... :-)

Jo jetzt hoffi, dass mir mol no delefoniere bis i gang, ich chas chum erwarte...

Have a great day.. <3  

15.6.09 10:22, kommentieren

Die letschte nüün Wuche...

Erscht grad letscht Wucheend hemmer Vorbereitigsseminar kha vo INTO.. Es isch soo toll xii!!

Ha mega tolli Lüt kenneglehrt, eini isch sogar ufem gliiche Flug wie ich, und denn chönne mer in NY denn zemme ins Zimmer, Juhuu!!

Jo halt s ganz Wucheend het me nomol scho glernti Sache verdieft, aber au neui khört und ich glaub die meischte würde grad am liebschte de Koffer packe und ab in Flieger... Au iich!!

Aber denn kunnt mer halt drotzdem wider in Sinn, was ich alles no vor ha, bis i gang.. Ich mein ich muess jetzt mini letschte Schueldeg in dr 4Ea no gniesse, wirds vermisse und denn muessi no go schnuppere und hoff natürlich das ich no e Lehrstell bekumm, das wer notürlich super.. Und scho glyyglyy sind Summerferie und d Nuria wider ständig weg, wiederse kenned, immer unterwegs.. XD

Hoff ha denn no gnue Ziit zum packee.. Aber das kunnt scho guet..

Freu mi notürlich abartig, aber gniess jetzt die Wuche, dr 11. Auguscht, dr Abschied am Fluughafe isch mer scho nid ganz ghür, und ich glaub ich will denn wenns sowiit isch, am liebschte de Moment füüre spuele und direkt in NY akoo, aber das got nidd..

Ich wünsch euch e super Ziit bis denn und hoff dass ich euch no gseh vorher!!

Take care.. <3

1 Kommentar 8.6.09 21:08, kommentieren



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung